Алматы. 21 желтоқсан. 7kun.kz – 2018 жылдың 11 айында қазақстандықтар жаңа автокөліктер сатып алуға 493,3 млрд теңге жұмсады. Бұл көрсеткіш өткен жылдың сәйкес кезеңімен салыстырғанда 33%-ға көп, - деп хабарлайды Қазақстандық автобизнес қауымдастығының баспасөз қызметі.

Қазақстанда қаңтар-желтоқсанда 55 162 автокөлік сатылды. Ал, өткен жылдың қаңтар-қарашасында  сатылған автокөлік саны - 44 047.

Бір автокөліктің орташа бағасы 8,7 млн теңгені (+ 7,4%) құрады. Жаңа шетелдік автокөліктердің орташа құны 22,2% -ға артып, 12,1 млн теңгені құрады. Елімізде құрастырылған автокөліктер 12,8%-ға ғана қымбаттаған, олардың құны орташа есеппен 5,3 млн теңге болды.