Алматы. 2 тамыз. 7kun.kz — Қазақстанда 2019 жылдың басынан бері автокөліктерге сұраныс жоғары 6,6 мың мемлекеттік тіркеу нөмірі сатылды, деп хабарлады "Азаматтарға арналған үкімет" мемлекеттік корпорациясы арнайы бөлімі филиалының бас маманы Мақпал Ахметова.

"Жыл басынан бастап бүгінгі күнге дейін 1,5 млрд теңгеге автокөліктерге сұраныс жоғары 6 мың 644 мемлекеттік тіркеу нөмірі сатылды",-деді Ахметова онлайн-конференция барысында.

Оның мәліметінше, өткен жылы елімізде 14 мың 909 жоғары сұраныс нөмірі сатып алынды. Маман мұндай нөмірлердегі ең қымбат комбинация "001" - ден "007" -ге дейінгі сандық қатардан, сондай-ақ "777"цифрларынан құралатынын еске салды.

"Мұндай комбинациялар, "777"-ден басқа, 575 мың 700 теңге тұрады, "100"-ден "900"-ге дейін 345 мың 925 теңге тұрады", – деп нақтылады ол.

Ахметова VIP-нөмірлердің құны айлық есептік көрсеткішке байланысты екенін және әр жылдың қаңтарында онымен бірге өсетінін атап өтті. Нөмірдегі "күшті" сандық жиынтықпен қатар, әріптердің бірдей жиынтығын таңдауға болады.

"Бірдей әріптік белгілері бар нөмірлерді де сатып алуға болады, олардың құны – 57 АЕК - 143 мың 925 теңге. Ал егер әр түрлі әріптер болса, ол үшін төлеу қажет емес", - деп нақтылады "Азаматтарға арналған үкімет" өкілі.