«Қазатомпром» ұлттық компаниясының директорлар кеңесі акционерлер жиналысында 2021 жылдың қорытындысы бойынша төленетін дивидендті 227,4 млрд теңге мөлшерінде бекітуді ұсынбақшы, деп хабарлайды 7kun.kz

Сонда бір қарапайым акцияға 876,74 теңгеден төленбекші. 2020 жыл үшін компания 150 млрд теңге дивиденд төлеген. Ал 2022 жылы төлем мөлшері 1,5 есе көп болмақ.

Дивидендтерді төлеу туралы шешімді акционерлер 26 мамырда өтетін жиналыста қабылдайды. Егер оң шешім қабылданса, 2021 жыл үшін төлемдер 15 шілдеден бастап беріле бастайды. «Қазатомпром» компаниясының 2021 жылдағы таза пайдасы 220 млрд теңгені құрады.