Жақын арада Ұлыбритания тұрғындарына ғаламторға кіруге шек қойылады, ал кейбір қолданушылар үшін тіпті жабық болады. Жаһандық желінің болашағы 11 мамыр күні Корольдің қоғамдастықта талқыланады деп хабарлайды The Telegraph.

Кездесу қатысушыларының талқылайтын мәселелердің бірі - байланыс ұйымдары үшін пайдаланылатын магистральдар мен роутерлердің өткізу қабілеті. Кей аумақтарда құрылғылар байланыс салмағын көтере алмай жатыр, ал тұтынушылардың қалауы мен қажеттіліктерді өсе түсуде. Мамандардың мәлімдеуінше, егер Интернет қазіргі көлеммен өсе берсе, ал ақпараттарды тасымалдайтын жаңа технологиялар пайда болмаса, 10 жылдан кейін қазіргі инфрақұрылымның көшірмесін жасау қажет болады екен. Сондай-ақ Интернетті пайдаланудағы энергияның көлемі де үлкен мәселе туындатып отыр. Ағылшын ғалымдарының есептеуінше, Ұлыбританиядағы Интернет тұтынушылар елдегі жалпы энергияның сегіз пайызын жұмсайды. Бұл 3 атом электростанциясының қуаттылығына тең және әрбір 4 жыл сайын екі есе өсе түсуде. Яғни осы қарқынмен жалғаса берсе 2035 жылға дейін Интернет қолданушылар мемлекетте өндірілетін барлық энергияны тұтынып бітуі мүмкін. Астон университетіндегі оптикалық коммуникациялар облысының профессоры Эндрю Элистің сөзінше, өндіріліп жатқан энергия көлемін одан әрі көбейту қосымша қиындықтар туғызады. "Енді ары қарай энергия шығара алмаймыз, оны қысқарту немесе шектеу қажет. Лимитсіз тарифтердің кері шегерілуіне байланысты тұтынушылардың пайдаланып отырғандарының барлығы үшін ақша төлеуі қажет болады", -дейді ол. Эллистің пікірінше, қазіргі инфрақұрылымның көшірмесін жасау интернетке қол жетімділікті қымбаттатып қана қоймай, энергетикалық жүйеге қосымша салмақ түсіреді. "Сондықтан адамдарға интернеттің қымбаттауына үйрене бастағаны жөн", - деп атап өтті профессор.