Россельхознадзор  39 тонна ірімшікті қайдан келе жатқаны белгісіз деп Қазақстаннан Ресейге өткізбей қойды.

Аталған ведомствоның хабарлауынша, тауардың қауіпсіздігін және қай жерде өндірілгенін айғақтайтын құжаттар жүк тасымалдаушыларда болмаған, ал ірімшіктің өзіне арнайы таңбаланған белгілер қойылмаған.

Россельхознадзор осындай жағдайдың алдағы уақытта қайталанбауы үшін Қазақстанның Ауыл шаруашылығы министрлігінің Ветеринарлық бақылау және қадағалау комитетіне аталған мәселе бойынша тексеріс жүргізіп, шара қолдануды өтініп ресми хат жіберді.