"Облигация арқылы қаражат тарту Қор үшін соңғы екі жылдағы сәттісі болды және нарықта қазақстандық бағалы қағаздарға деген инвесторлардың қызығушылығының жоғары екенін растайды", - дейді Казкоммерц Секьюритиз басқармасының төрағасы Жақсыбек Шыңғыс.

Бұл облигациялардың ерекшелігі сауда барысында сатылған құнды қағаздардың мөлшері 2017 жылдың өткен кезеңіндегі екінші көлемде, және өтеу уақыты ең ұзағы - 10 жыл.

Инвесторлар көбінесе қысқа уақыттық қаржы құралдарына қызығушылық танытса да, Қор облигацияларын сату кезінде сұраныс 38,3 млрд теңгені құрады. Яғни, ұсыныстан 53 пайыз жоғары (13,3 млрд теңге).

Өтініштері қабылданған сатып алушылар құрылымы:

Екінші деңгейлі банктер - 4,0 пайыз;

Брокер-дилерлік компаниялар - 5,2 пайыз;

Басқа институциялық инвесторлар мен сақтандырушы компаниялар - 78,8 пайыз;

Өзге заңды тұлғалар - 12,0 пайыз;

Жеке тұлғалар - 0,004 пайыз.

Облигация сату мен листинг барысындағы Самрұқ-Қазынаның қаржылық кеңесшісі мен андеррайдері - "Казкоммерц Секьюритиз" акционерлік қоғамы.