Алматы. 7 маусым. 7kun.kz  - Ағымдағы жылдың сәуір айының соңында Қазақстанның сақтандыру секторында 27 сақтандыру компаниясы (бір жыл бұрын — 32 компания) жұмыс істеді. Активтердің жиынтық сомасы 1,1 трлн теңгеге жетті, жылдық өсім - 17,6%. Бұл туралы Ranking.kz аналитикалық қызметі мәлімдеді.

Өткен жылдың ұқсас кезеңінде активтер сомасы 948,9 млрд теңгені құрады, бұл 2017 жылға қарағанда 7,1%-ға артық.

Активтер құрылымының жартысынан көбін бағалы қағаздар құрайды: 599 млрд теңге немесе 53,7%, жыл ішінде сома 31,8% - ға өсті. Орналастырылған салымдар мен қайта сақтандыру активтері тиісінше активтердің 19,6% және 10,1%-ын шоғырландырды, жиынтығында олардың сомасы 331,6 млрд теңге болды.

Сонымен қатар, активтер құрылымындағы сақтандыру сыйлықақыларының үлесі 4,4%-ды немесе 48,6 млрд теңгені құрады. Сомасы бір жылда 7,7%-ға өсті. Ақша қаражаты және олардың баламаларына активтердің 3,3%-ы тиесілі.

ҚР-дағы ең ірі сақтандыру ұйымы - "Еуразия": сәуір айының соңында оның активтерінің сомасы 270,4 млрд теңгені құрады, ол жыл ішінде 12%-ға ұлғайып, компанияның үлесі нарықтың 24,2%-ына теңесті.

Екінші орында активтер сомасы 146,7 млрд теңге болатын "Халық-Life" сақтандыру компаниясы сектордың 13,1%-ын (бір жыл бұрын-7%) құрады. Активтер сомасы бойынша "Халық" сақтандыру компаниясы көшбасшылардың үштігін қорытындылайды: 127 млрд теңге, үлес жыл ішінде 5,7%-дан 11,4%-ға дейін артты.

Айта кетейік, көшбасшылар үштігі сақтандыру секторының жартысын шоғырландырады (48,7%). ТОП-10 сақтандыру компаниясы активтерінің сомасы 949,6 млрд теңгеге тең, олардың үлесі жылына 70,7%-дан 85,1%-ға дейін өсті.

Бір жыл ішінде активтердің ең көп өсімі Халық Банкінің екі еншілес ұйымы — "Халық" (2,4 есеге жуық) және "Халық-Life" (2,2 есеге) сақтандыру компанияларында тіркелді. Ақшалай мәнде бұл екі компания активтер сомасын 153,7 млрд теңгеге ұлғайтты.

Сондай-ақ, активтердің өсуі бойынша көшбасшылардың үштігінде KazakhExport экспорттық сақтандыру компаниясы болды, өсім бір жыл ішінде 80% -ды құрады. Активтердің өсуі бойынша ТОП-5 тізімінде Freedom Finance Insurance және "НОМАД Life" бар - тиісінше 57,4% және 46,8%.