Алматы. 17 мамыр. 7kun.kz – 2019 жылдың І тоқсанында ТМД елдері темір жолдарымен 495 млн тонна жүк тасымалданды, ал бұл 2018 жылдың сәйкес кезеңімен салыстырғанда 0,4%-ға көп, - деп хабарлайды «Қазақстан темір жолы» ҰК» АҚ баспасөз қызметі.

Өткен жылы 2 млрд 32 миллион тоннадан астам жүк тасымалданған. Аталған көрсеткіш 2017 жылғыдан 1,5% артық. Жүкайналымы 4% өсті.

ТМД елдері арасында жүктерді тасымалдау бойынша алған міндеттемелерін асыра орындаған теміржол әкімшіліктерінің қатарында «Қазақстан темір жолы» ҰК» АҚ (+0,6%) да бар.

Бұл ретте Достастық елдер кеңістігінде контейнерлік тасымалдар жедел қарқынмен өсуде: 2018 жылы – 12,8%, 2019 жылдың І тоқсанында өткен жылдың сәйкес кезеңіне қарағанда – 15,5%.

2018 жылы ТМД темір жолдарымен халықаралық қатынаста жолаушылар тасымалы 18,6 млн адамға жетсе, бұл 2017 жылғыдан 0,7% артық.