ҰҚК-ның ведомствоаралық тергеу оперативті тобы, ІІМ және Бас прокуратура терроризм актісіне қатысты барлық жағдайды анықтауды жалғастырып жатыр. Тұтқындалғандар түсініктеме береді. "Алдын-ала мәлімет бойынша, террористер қару-жараққа ие болғаннан кейін Ақтөбе қаласындағы түзеу мекемелері мен мемлекеттік органдардың әкімшілік ғимараттарына шабуыл жасамақ болған", -деп жазылған баспасөз қызметінде. ҰҚК төрағасы Владимир Жұмақанов Ақтөбедегі террористік қауіпті "қызыл" деңгейден "сары" деңгейге түсірді. Құқық қорғау органдары антитеррорлық операцияның аяқталуы туралы еш мәлімдеме жасаған жоқ.