Байланыс, ақпараттандыру және ақпарат комитеті vimeo.com видеохостингін діни экстремизм мен терроризм идеяларын насихаттайтын видеолар таратқандығы үшін бұғауланып тасталғанын мәлімдеді. Бұл туралы Vlast.kz хабарлайды.
Сервис Астана қаласы Есіл аудандық сотының 7 қыркүйекте шығарған шешіміне байланысты уақытша бұғауланған. Бұған сайтқа тексеріс жүргізген кезде халықаралық террористік ұйым ИМ-ның (Ислам мемлекеті) видеоматериалдары табылуы себеп болды делінген комитеттің ресми мәлімдемесінде.
Видеохостингте террористерге тұтқын болған адамдарды өлім жазасына кесілу сәті түсірілген ИМ-ның 8 ролигі табылған. Комитеттің хабарлауынша, интернет-ресурстан заңғы қайшы материалдар жойылғанда ғана Vimeo қолжетімді болады.
Сондай-ақ ведомство flickr.com сайтына қатысты шектеу шаралары қолданылмағанын мәлімдеді. Қазіргі уақытта сервистің жабылу себептері анықталу үстінде.
Похожие материалы
