Алматы. 11 желтоқсан. 7kun.kz - Жыл сайын жемқорлықтың кесірінен әлемдік экономика 2,6 трлн АҚШ доллар көлемінде қаржы жоғалтады деп жазады Lsm.kz. 

Бұл сома дамушы елдердің дамуға жұмсайтын ақшасынан 10 есеге көп. Жыл сайын 1 трлн көлемінде пара беріледі. Сонымен қатар, басқа да жемқорлық әрекеттер әлемдік экономикаға 2,6 трлн көлемінде шығын алып келеді. Transparency International агенттігің есебі бойынша Қазақстан жемқорлық бойынша әлемдік рейтингде 131-орында тұр. Жемқорлыққа қарсы күрес және мемқызмет агенттігінің төрағасы Қайрат Қожамжаровтың айтуынша, 205 шенеунік Қазақстаннан 8 млрд теңге көлемінде ақша ұрлап кеткен.