ОПЕК елдері мұнай өндіруді қысқартуға келісті

мұнай
Фото: topwar.ru

Алматы. 2 шілде. 7kun.kz – ОПЕК елдері картельдің мәмілені тоғыз айға ұзарту туралы шешіміне қосылу үшін дауыс берді, — деп хабарлайды ТАСС.

Бұл ретте ескі келісімнің квотасы сақталады.

«Үлкен рахмет, менің ойымша, біз кеше ОПЕК қабылданған шешімге қосылып, құжатқа қол қоюға көшуіміз керек», — деді Ресейдің энергетика министрі Александр Новак барлық делегаттар қолдарын көтеріп, шешімді қолдағаннан кейін.

Бұған дейін хабарланғандай, 2019 жылдың шілдесінен 2020 жылдың наурызына дейін картельдің мониторингтік комитеті мұнай өндіруді қысқарту жөніндегі келісімді ұзартуға келісті.

Естеріңізге сала кетейік, 2016 жылдың соңында ОПЕК пен оның одақтастарының мұнай өндіруді қысқарту туралы келісімі жасалды. Ол 2017 жылдың басында күшіне енді. 2016 жылдың қазан айымен салыстырғанда өндірісті күніне 1,8 миллион баррельге қысқарту туралы болды. Келісім бірнеше рет ұзартылды. 2018 жылдың соңында тараптар тәулігіне 1,2 млн баррель шикізатты өндіруді қысқартуға келісті.