Қазақстандықтар банкоматтар арқылы 14 трлн теңге қолма-қол ақша алды

42
қолма-қол
Фото: infoportalru.ru

Алматы. 4 ақпан. 7kun.kz — 2019 жылдың қаңтар-желтоқсан айларында Қазақстан және шетелдік эмитенттердің төлем карталарын пайдалана отырып ҚР аумағында берілген қолма-қол ақша көлемі 15,9 трлн теңгені құрады — 2018 жылдың сәйкес кезеңіне қарағанда 20%-ға артық. Мұндай деректерді finprom.kz ұсынды.

Төлем карталары бойынша айналымнан қолма-қол ақша беру үлесі бір жыл ішінде 70,8%-дан 54,5%-ға дейін қысқарды. Банкомат желісін пайдалана отырып қолма-қол ақшаны алу үлесіне барлық көлемнің 86,5-ы% немесе 13,8 трлн теңге тиесілі — 2018 жылы: 85,4% немесе 11,3 трлн теңге.

ҚР өңірлерінің арасында 2019 жылы ең көп қолма-қол ақша беру көлемі Алматы (4,1 трлн теңге) және Нұр-Сұлтанда (1,8 трлн теңге) тіркелді. Сондай-ақ, Түркістан облысы мен Шымкентте (1,6 трлн теңге) және Қарағанды облысында (1,1 трлн теңге) триллион теңгеден астам қолма-қол ақша берілді.

Аталған өңірлерде ең көп банкоматтар саны байқалды: Алматыда — 2,2 мың, Нұр-Сұлтанда — 1,3 мың, Қарағанды облысында — 956, Түркістан облысында және Шымкентте — 914.

Айта кетейік, 2019 жылдың соңына қарай ҚР-да 29,8 млн карта ұстаушы болды — бір жыл бұрынғы көрсеткіштен 57%-ға артық. Айналымда барлығы 32 млн төлем картасы болды — 2018 жылдың желтоқсан айының соңына қарағанда 37%-ға көп; оның ішінде 18,2 млн карточка белсенді пайдаланылды — өткен жылмен салыстырғанда 59,4%-ға артық.

Бұл ретте жергілікті жүйелердің карта ұстаушылар арасындағы үлесі 2019 жылғы желтоқсанның аяғында 16,6%, айналымдағы карталар арасында — 15,7%, ал пайдаланылған карталар арасында — 23,1%-ды құрады, ал 2018 жылы бұл көрсеткіш тек 0, 1–0,2% болған.

Елдегі банкоматтар саны 2019 жылдың соңына 11,3 мыңды құрады — 2018 жылмен салыстырғанда 2,7%-ға артық. Өсім cash-in функциясы бар банкоматтар санының 49,2%-ға, 4,6 мыңға дейін өсуімен байланысты болды, бұл олардың үлесін 27,8%-дан 40,4%-ға дейін арттырды.

Қолма-қол ақша қабылдау функциясы жоқ банкоматтар саны бір жылда 15,2%-ға, 6,7 мыңға дейін қысқарды.