Қазақстандықтардың орташа айлық жалақысы қанша

184
жалақысы
Фото: bnews.kz

Алматы. 16 қазан. 7kun.kz — Статистика комитетінің бағалауы бойынша 2019 жылғы қыркүйекте Қазақстанда бір қызметкердің орташа айлық атаулы жалақысы 188 634 теңгені құрады. Бұл туралы комитеттің ресми сайтында хабарлады.

Өз кезегінде, ел бойынша атаулы жалақы мөлшері 2018 жылдың қыркүйегінде 160 555 теңгеге бағаланды.

Сондай-ақ, хабарламаға сәйкес, халықтың жан басына шаққандағы атаулы ақшалай табысы ағымдағы жылдың тамыз айында 103 816 теңгені құраған (алдын ала деректер), бұл 2018 жылдың тамызына қарағанда 9,5%-ға жоғары, көрсетілген кезеңдегі нақты ақшалай табыс 3,8%-ға өсті.