Ресей және ТМД бойынша Herbalife-тың жаңа вице-президенті тағайындалды

520
Ресей және ТМД бойынша Herbalife-тың жаңа вице-президенті тағайындалды

Украина, Ресей, ТМД елдері, Балтика, Монғолия және Израил бойынша Herbalife компаниясының вице-президенті боп Эдита Курек тағайындалды.

Компанияның баспасөз қызметі хабарлағандай, ол 2015 жылдың қаңтар айынан Азия-Тынық мұхит аймағындағы Herbalife нарық тобын басқара бастаған Стивен Кончидің орнын басты.

Бұған дейін Э.Курек Шығыс Еуропа, Таяу Шығыс және Скандинавиядағы Herbalife вице-президентінің міндетін атқарушы болған.

Э.Курек Мәскеу энергетика институтын «атомдық станциялар және құрылғылар» мамандығы, сондай-ақ Варшава Әлеуметтік және гуманитарлық ғылымдар университетін «коучинг» мамандығы бойынша бітірген. Herbalife компаниясына келгенге дейін Э.Курек Польшадағы Oriflame компаниясының бас директоры болған.

Herbalife халықаралық компаниясы 1980 жылы АҚШ-та Марком Хьюздің бастамасымен дүниеге келген. Компания биоқосымша және дербес күтімге арналған тауарларды тікелей сатумен айналысады.