Алматы. 23 тамыз. 7kun.kz – 2018 жылы тамызда ҚХР-ға ауыл шаруашылығы өнімдерін экспорттайтын кәсіпорындардың тізіміне 12 кәсіпорын жаңадан қосылды, деп хабарлайды ҚР Ауыл шаруашылығы министрлігі.
Министрліктің хабарлауынша, Қостанай облысынан 4 кәсіпорын, Солтүстік Қазақстан облысынан – 1, Астанадан – 1 барлығы алты кәсіпорын Қытайға бидай кебегін экспорттау құқығына ие болды.
Реестрде бидай кебегін экспорттайтын барлығы 9 қазақстандық кәсіпорын бар.
Алматы облысынан -3 , Қостанай облысынан (1), Астанадан (1) және Алматыдан (1) алты кәсіпорын Қытайға соя бұршақтарын экспорттау құқығын алды.
Соя бұршақтарын экспорттайтын 7 қазақстандық кәсіпорын реестрде бар. (тізім қосымша беріліп отыр)
3-14 қыркүйек аралығында ҚХР Бас кедендік басқармасы инспекциясы тарапынан арпа және жүгері өсіріп өңдейтін, бидайды өңдеп сақтайтын 14 элеваторларға тексеру жоспарлануда.
Инспекцияға Алматы облысынан 4 кәсіпорынға (жүгері бойынша), ШҚО-дан 3 кәсіпорын (1 кәсіпорын арпа, 2 кәсіпорын бидай элеваторы), Павлодар облысынан 2 кәсіпорын (1 кәсіпорын жүгері мен арпа, 1 бидай элеваторы), Ақтөбе облысы бойынша 3 кәсіпорын (1 кәсіпорын арпа бойынша, 2 бидай элеваторы), Қостанай облысынан 1 кәсіпорын (арпа), СҚО-дан 6 кәсіпорын (5 арпа бойынша, 1 кәсіпорын бидай мен жүгері) жүргізіледі деп күтілуде.
Қазіргі уақытта 67 элеватор Қостанай облысынан (18), Ақмола облысынан (34),и Солтүстік Қазақстан облысы (15) ҚХР-дың реестріне енгізілді. Инспекция жұмысының қорытындысы бойынша бұрын ҚХР-ге астық тасымалданбаған Қазақстанның 5 облысының элеваторларын тізімге қосу күтілуде.
ҚХР әкімшілік реформаларының аяқталуына байланысты (мемлекеттік органдардың ҚХР-ны БКБ-ға тапсыру функциялары) тамыз айында Қазақстан Республикасының ет өңдеу кәсіпорындарын тексеру күні қыркүйектің екінші жартысына ауыстырылды.
ҚР-дың 9 облысынан инспекция жүргізуге 24 сұраныс түсті, бірақ инспекция 5-6 кәсіпорынды тексеретін болады. Сондықтан, ҚХР-дың Бас кеден басқармасымен бірігіп кәсіпорындардан келіп түсетін барлық өтініштер бойынша инспекция жүргізілу кестесі әзірленуде. Қазақстандық балық өнімдерін өңдейтін 60 кәсіпорын ҚХР-дің реестріне енгізілген болатын.
Сонымен қатар, ҚХР Реестріне қой етін өңдейтін 5 кәсіпорын қосылған болатын.
Барлығы 160 қазақстандық кәсіпорын ҚХР Реестріне енгізілді, инспекция жұмысы қорытындысы бойынша 45 кәсіпорын реестрге енгізіледі деп күтілуде.
Үшінші елдер Реестріне барлығы 178 қазақстандық кәсіпорын кірді.
