Қазақстанда 2015 жылға арналған республикалық бюджетте жергілікті атқарушы органдарға 121,263 млрд теңге соммасына бюджеттік несиелер қарастырылған деп айтылған ҚР Қаржы министрлігінің ҚазТАГ агенттігінің сауалына берген жауабында.

2015 жылы аймақтардағы ең үлкен бюджеттік несиелендіру жылумен, сумен жабдықтау және су бұрғыш жүйелердің қайта құрылуы мен құрылысына бағытталмақ, бұл үшін ҚР Ұлттық қорынан 46,1 млрд теңге қарастырылған. Мұнда ең ірі несиелерді Астана (11,331 млрд теңге), Алматы (5,780 млрд теңге) және Ақтөбе облысы (3,760 млрд теңге) алады.

Ұлттық қордан бөлінетін басқа мақсатты транферт есебінен жылумен, сумен жабдықтау және су бұрғыш жүйелердің қайта құрылуы мен құрылысы үшін облыс бюджеттерін, Астана және Алматы қалаларының бюджеттерін несиелендіруге 13,9 млрд теңге бағытталады. Олар келесідей бөлінеді: 1,8 млрд теңге - Ақмола облысының Есіл қаласында жылу желілері бар орталық қазандықты салу; 2,1 млрд теңге - Қарағанды облысының Сәтпаев қаласында магистральді жылу желілерін салу; 1,6 млрд теңге - Шымкент қаласының магистральдық жылу желілерін қайта құру; 1,4 млрд теңге - Алматыдағы "Көк-Жайлау" тау шаңғы кешені үшін канализациялық коллектор салу.

Ең көп бюджеттік несие - 7 млрд теңге - Астанаға, сол жағалаудағы жылу магистральдарын салуға бөлінеді.

Тұрғын үйлерді жобалау және (немесе) салу үшін жергілікті атқарушы органдардың бюджеттік несиелерін бөлуге 2015 жылы 10,848 млрд теңге бағытталады. Осы қаражаттың көп бөлігін Астана алады - 3,9 млрд теңге, Ақтөбе облысы - 1,989 млрд теңге және Қарағанды облысы 1,4 млрд теңге.