2015 жылы ҚР-ның ЕАЭО елдерімен тауар айналымы 13,5 млрд долларды құрады

Экономика

2015 жылы ҚР-ның ЕАЭО елдерімен тауар айналымы 13,5 млрд долларды құрады

23 декабря, 2015

2015 жылдың 10 айының қорытындысы бойынша Қазақстанның Еуразиялық экономикалық одақ елдерімен тауар айналымы 13,5 млрд долларды құрады, деп мәлімдеді бүгін «Еуразиялық экономикалық ынтымақтастық: проблемалары және перспективалары» атты сараптық талқылау барысында Ұлттық экономика министрлігі халықаралық экономикалық интеграция департаментінің директоры Ернар Бакенов. Бұл туралы премьер-министрдің баспасөз қызметі хабарлады.

«Биылғы жылдың 10 айындағы ЕАЭО елдерімен тауар айналымы 13,5 млрд долларды құрады», - деді Е.Бакенов.

Ол ЕАЭО мүше елдердің экономикаларының жалпы көлемі 2,2 трлн доллардан асатынын айтты. Одақтың барлық мүше елдерінің сыртқы сауда айналымы 1 трлн доллардан асты.

«Біз ЕАЭО осындай күрделі экономикалық жағдайда дамуға қосымша серпін болу үшін маңызды элементтердің бірі болады деп есептейміз. Жалпы, Кедендік одақ жұмыс жасай бастағалы бері Қазақстанның КО бойынша серіктестерімен тауар айналымы 1,6 есе өсті: 2009 жылы 13 млрд доллардан - бұл КО қалыптасқан кезең, 2014 жылы 21 млрд-қа дейін», - деп нақтылады Е.Бакенов.

Оның айтуынша, одақ жұмыс жасай бастағалы бері Кедендік одақ елдеріне қазақстандық экспорттың барлық көлеміндегі өңделген тауарлар үлесі 45-тен 58% дейін артқан.

Фото: caravan.kz