Алматы. 29 қаңтар. 7kun.kz — Қазақстанның Қаржы нарығын реттеу және дамыту жөніндегі агенттігі 2019 жылы микроқаржы ұйымдарының (МҚҰ) қызметін талдау қорытындысы бойынша МҚҰ жиі рұқсат беретін тұтынушылардың құқықтары мен заңды мүдделерінің бұзылуы жағдайларын анықтады, деп хабарлады Ұлттық банктің баспасөз қызметі.

"Анықталған бұзушылықтар бойынша МҚҰ-на қатысты 57 ықпал ету шарасы қолданылды, оның ішінде: 16 әкімшілік іс, қарау қорытындысы бойынша 4 млн 270,1 мың теңге сомасына 14 әкімшілік айыппұл түрінде салынды және 2 – ескерту түрінде; 41 шектеулі ықпал ету шарасы, оның ішінде 38 жазбаша ұйғарым және 3 – жазбаша ескерту түрінде шығарылды", - делінген хабарламада.

Талдау нәтижелері МҚҰ қарыз бойынша мерзімі өткен берешекті есептен шығару тәртібінде (төлем талабын пайдаланбай) және мәліметтерді кредиттік бюроға уақтылы ұсынбаған заң бұзушылықтарға жол бергенін көрсетті.

Бұдан басқа, агенттік микрокредит беру туралы шарттардың Қазақстан заңнамасының талаптарына сәйкес еместігін және Қазақстан заңдарының және уәкілетті органның нормативтік құқықтық актілерінің талаптарын сақтамағанын анықтады.