Алматы. 10 қаңтар. 7kun.kz – 2019 жылы ең қымбат металдардың екі түрі болады. Бұл туралы тауар нарығының талдаушысы Оксана Лукичева мәлімдеді.

Оның айтуынша, палладий 28%-ға, ал алтын 3%-ға дейін қымбаттауы мүмкін. Ол күміс пен платина құны төмендейді деп санайды.

«2019 жылы АҚШ Федералдық резервтік жүйесінің саясаты, протекционизм, сондай-ақ күміс пен платинаға өнеркәсіптік сұраныстың жағдайы қымбат металдар бағасының өзгеруіне әсер ететін негізгі факторлар болып қалады. Металдарға жанама әсер қор нарықтарындағы жағдай болуы мүмкін», – деп түсіндірді ол.

Лукичеваның айтуынша, 2018 жылдың қорытындысы бойынша палладий 18,4%-ға, алтын 0,9%-ға қымбаттады. Ал, күміс 8%-ға, платина 7,4%-ға арзандады.

Алтынға қолдау көрсету әлемдегі саяси және экономикалық тұрақсыздықты көрсетті, ал палладий бағасы «Норильский никель» компаниясының сатуын тежеуге және автомобиль өнеркәсібінде металды тұтынудың өсуіне байланысты өсті. Күміс пен платинаға келетін болсақ, құлдырау АҚШ пен Қытай арасындағы сауда соғысымен байланысты болды.