Компанияның айтуынша, Google-де көп ізделген "жыл адамы" - марқұм Батырхан Шүкенов. Алғашқы ондықтың ішінде Геннадий Головкин, Рахат Алиев, Тимати және "Әліби ісіне" қатысты адамдар да енген. "Жыл фильмі" деп қазақстандықтар "сұрдың 50 реңін" таңдағанға ұқсайды. Сондай-ақ, "Рэкетирдің" жалғасы, "Сәбина келін" де көп ізделгендердің қатарында. Сериалдардан болса, "Тақтар ойыны", "Кухня", "Реальные пацаны" сұранысқа ие болған. Ағымдағы жылы отандастар автокөлік, әуе және темір жол билеттерін, питбуль тұқымды иттерді, Астана қаласынан бір бөлмелі пәтер бағасын да көп іздеген екен.