Samsung Electronics өзінің "ақылды" сағаттарын iOS операциялық жүйесімен сәйкестендіруді ойластыруда. Бұл жөнінде Wall Street Journal басылымы жазды.

Samsung "ақылды" сағаттарының соңғы нұсқасы iOS құрылғыларымен, соның ішінде смартфондармен үйлесуі мүмкін. Аталған сағаттар өткен жылдың күз айында сатылымға шыққан еді. Самсунгтың сағаттары Tizen операциялық жүйесінде жұмыс істейді. Өткен жылы оңтүстік кореялық өндіруші Tizen-ді интернетке қосылатын теледидарларына жүктеп бастаған болатын (Smart TV). Одан бөлек, Samsung компаниясы Tizen жүйесінде жұмыс істейтін 1 млн-нан астам смартфондарды сатқанын да атап өту керек.