Қазақстандағы ең үздік он банктің жиынтық портфелі бөлшек салым көлемі бойынша 6,3 трлн теңгеге өсіп, нарықтағы 91% үлес деген көрсеткіштерін сақтап қалды деп хабарлайды Ranking.kz.

2015 жылы Қазақстандағы екінші деңгейлі банктердің (ЕДБ) бөлшек депозит портфелі 60%-ға өсіп, 6,9 трлн теңгеге жеткен. Ал 2014 жылы өсім 12%-ды құрап, желтоқсан айында жеке тұлғалардың жалпы салымы 4,4 трлн теңге болды.

2015 жылдың алғашқы төрт айында жеке салым портфелі айтарлықтай қысқарған. Ал мамырда қалыпты тенденция орнап, жыл соңына дейін жалғасты.

ЕДБ арасында бөлшек депозит портфелінің көлемі бойынша көш бастап тұрған Қазкоммерцбанк — 1 трлн 430 млрд теңге немесе нарықтағы көрсеткіштің 20,8%-ын құрайды. Екінші орында  - Халық банк. Салымшылардың 1 трлн 417 млрд теңге депозиті немесе 20,6% осы банкке тиесілі. Үшінші орында 649 млрд теңге портфель көлемімен Kaspi bank тұр. Үлесі - 9,4%.