Алматы. 13 маусым. 7kun.kz — Ericsson телекоммуникациялық жабдығының швед өндірушісі бесінші буын (5G) желілерін дамыту жөніндегі болжамды жоғарылатты. Енді компания 2024 жылға қарай әлемде осындай желілерге 1,9 млрд қосылым болады деп күтуде, бұл бұрын хабарланғаннан 27%-ға артық.

Сарапшылардың пікірінше, 5 жылда 5G-желілері әлем халқының 45% -ы тұратын аймақта таралады. Бұрын Ericsson 40 пайыздық көрсеткіш туралы айтты.

Сондай-ақ, сарапшылардың пікірінше, жаңа технологияны енгізуде Солтүстік Америка көшбасшы болады, онда 2024 жылға қарай 270 миллион 5G абоненті немесе аймақтың жалпы санының 60% күтіледі.

LTE-желілеріне келер болсақ, 2024 жылдың соңына қарай оларға қосылу саны 5 млрд-ты құрайды, делінген Ericsson зерттеуінде. Strategy Analytics мамандары 2024 жылға қарай 6 млрд LTE — қосылымдардың ауқымды абоненттік базасын болжайды.

Strategy Analytics болжамдарына сәйкес, 2024 жылы 5G-желілерді пайдаланатын абоненттер саны 924 млн-ға жетеді. Сонымеен қатар, 5G-байланыс нарығы 2021 жылы ғана нақты айналым жинайтын болады, ол кезде желілерді жабу жақсарады, операторлық қызметтер бағасы төмендейді, ал технология шын мәнінде пайдалы болған жобалар саны көп болады.