Комитет төрағасының айтуынша, 6382 адамға 7 АЕК (15 883 теңге) көлемінде айыппұл салынған. 1383-іне әкімшілік ескерту жасалған. Қайталама ескертуден соң да тіркеу тұрмаған 19 адамға 13 АЕК (29 497 теңге) көлемінде айыппұл салынған.

«2017 жылдың алғашқы 3 айында 72 710 адам тіркеуге тұрған. Ал жалпы 492-бап салынған айыппұлдан түскен қаржы 12 031 076 теңгеге жетті», — деді министрлік өкілі.

Естеріңізде болса, бұған дейін тұрғылықты мекен-жайы бойынша тұрмағандардың ішінде кімге айыппұл салынбайтынын жазған едік. Онда 16 жасқа толмаған жасөспірімдер, денсаулығы нашар немесе емдеу мекемелерінде жатқан азаматтар, вахталық жұмыс істейтіндер және шұғыл қызметтің әскерилері уақытша тіркеуден өтуге міндетті емес екені айтылған.