Алматы. 6 сәуір. 7kun.kz — Қазақстан қор биржасында шетел валюталарына қатысты күндізгі сауда сессиясы аяқталды. Нәтижесінде 6 сәуірдегі доллардың орташа бағамы 312,75 теңгені құрады. Бұл  туралы биржаның (KASE) ресми сайты хабарлады.

KASE ақпаратына сәйкес, АҚШ долларына қатысты сауданың төменгі курсы 312,40 теңгені құрады. Жоғарғы курс – 313,10 теңге, сауданың аяқталуы кезінде 312,50 теңге болды. Күндізгі сессияда сауда көлемі 63 млн 400 мың доллар болды. Валюта операциясына байланысты келісім саны — 117.

Айта кетейік, 2016 жылдың 5 қаңтарынан бастап шетел валюталарына қатысты теңге курсын белгілеу туралы ережеге өзгерістер мен толықтырулар енгізілді. Енді долларға қатысты теңгенің орташа ресми бағамы Қазақстан қор биржасындағы таңғы және күндізгі сессия қорытындысы бойынша белгіленеді.

Ақша айырбастау орындарында 6 сәуірдегі доллардың жоғары курсы (Алматы уақытымен – 15:50) Алматыда 313 теңгені құраған.