Алматы. 2 мамыр. 7kun.kz — Қазақстан қор биржасында шетел валюталарына қатысты күндізгі сауда сессиясы аяқталды. Нәтижесінде 2 мамырда доллардың орташа бағамы 315,33 теңгені құрады. Бұл  туралы биржаның (KASE) ресми сайты хабарлады.

KASE ақпаратына сәйкес, АҚШ долларына қатысты сауданың төменгі курсы 315,20 теңгені құрады. Жоғарғы курс – 315,41 теңге, сауданың аяқталуы кезінде 315,38 теңге болды. Күндізгі сессияда сауда көлемі 53 млн 500 доллар болды. Валюта операциясына байланысты келісім саны — 127.

Ақша айырбастау орындарында 2 мамырдағы доллардың жоғары курсы (Алматы уақытымен – 16.05) Алматыда 316.5 теңгені құраған.