Алматы. 7 маусым. 7kun.kz - Қазақстандағы шетелдік компаниялардың саны бір жылда 25 пайызға өсті. Бұл туралы Finprom.kz сараптама қызметі хабарлады.

Соңғы жылда мұндай компаниялардың саны 3,4 мыңға артқан. Шетелдік бизнес етек алып келе жатқан салалардың ішінде сауда, қызмет көрсету және құрылыс саласы бар. 

"Шетелдік паспорт" елімізде жұмыс істеп жатқан компаниялардың көбеюі ел экономикасына құйылып жатқан шетелдік инвестициямен тікелей байланысты.

Естеріңізге салсақ, 2016 жылы шетелдік инвестиция көлемі бірден 40 пайызға, яғни 20,6 млрд АҚШ долларына көбейген еді.

Сонымен бірге, 2017 жылы қыркүйектің бірінен бастап үкімет Қазақстан жаңа инвестициялық стратегиясын жасап шығаруы керек.