Астана. 5 шілде. 7kun.kz -  Н. Назарбаев Қырғызстанға 100 млн доллар қаржы бөлу туралы құжатқа қол қойды. Бұл туралы Ақорданың баспасөз қызметі хабарлады.

Мемлекет басшысы "Қазақстан Республикасының Үкіметі мен Қырғыз Республикасының Үкіметі арасындағы еуразиялық экономикалық интеграция жағдайында экономикалық ынтымақтастықты дамыту туралы келісімді ратификациялау туралы" Қазақстан Республикасының Заңына қол қойды.

Еске сала кетейік, Қазақстан 2014 жылы да Қырғыз еліне көмек ретінде 100 миллион  доллар қаржы бөлген болатын. Сол кезде көрші елдің басшысы Алмазбек Атамбаев қазақстандықтарға Елбасыны қадірлеуге шақырып, зор алғысын білдірген еді.