Алматы. 20 ақпан. 7kun.kz — "Қазақфильм" киностудиясы "Тұмар патшайым" кинокартинасына 3 пен 10 жас аралығындағы қыздарға кастинг жариялады. Қыздардың сырт-келбеті басты рөлді сомдайтын Әлмира Тұрсынға ұқсас болуы керек, деп хабарлайды Today.kz "Қазақфильм" киностудиясының баспасөз қызметіне сілтеме жасап.

Кастингке қатысушылардың шашы сары, көзі көк болуы керек. Тарихи туындыдан көрінгісі келетін үміткер шығармашылық топқа түрлі пландағы фильтрсіз және бояусыз суреттерін жолдауы керек. Кастингке кез келген ұлт өкілдері қатыса алады.

Естеріңізге сала кетейік, жақында ғана туындының режиссері Ақан Сатаев "Тұмар патшайым" кинокартинасында басты рөлді сомдайтын актрисаны таныстырған еді.

"Зор қуанышпен басты кейіпкерді сомдайтын актрисамен таныстырғым келіп  тұр. Ол – 1990 жылы туған Әлмира Тұрсын. Мамандығы коуч-псиxолог", – деді режиссер.