Алматы. 11 сәуір. 7kun.kz - Швейцария Альпісінде Obi и Kaiser's дүкендеріне ие «Tengelmann» компаниясының басшысы, неміс бизнесмені Карл-Эриван Хауб жоғалып кетті. Оның отбасының жағдайы 6,4 млрд долларға бағаланады.

Германияның ең бай отбасыларының бір мүшесі,  Tengelmann компаниясының басшысы Карл-Эриван Хауб 7 сәуірден бастап Альпі тау шаңғысы курортынан оралмай, жоғалып кетті, деп жазады Spiegel.

Топ өкілі 58 жастағы кәсіпкерді іздестіру жүріп жатқандығын және компания оны табу үшін қолынан келгеннің бәрін жасайтынын хабарлады.

Швейцарияның Blick басылымы бойынша, Хауб Пеннинг Альпісінің төрт мыңыншы маңында - Дюфур шыңы мен Маттерхорнның жанында орналасқан Церматт курортында уақыт өткізген. Ол сенбі күні сағат 08:30-да тау шаңғысы жабдықтарымен серуенге шығып, сол уақыттан бері байланысқа шықпаған. Оның телефоны сол күні кешке қарай сөніп қалады. Хаубтың туыстары бұл іздеуге үлкен қаражат бөлді, дейді Handelsblatt. Бірақ ауа-райының нашарлығы іздестіруге кедергі келтіріп отыр. Handelsblatt, сондай-ақ Tengelmann  бойынша әріптестеріне жүгінген Карл-Эриван Хаубтың бауыры Кристианның хатын жариялады.

Кристиан Хауб өзінің хатында ағасының «тәжірибелі шаңғышы және альпинист» екендігін және туыстары оның жақын арада табылатынына үміттенетінін жазған. Forbes Хаубтар әулетінің жағдайын 6,4 млрд долларға бағалайды. Айта кетерлігі, осы жылдың наурыз айында 30 жылдан астам уақыт бойы Tengelmann-ды басқарған Карл-Эриванның әкесі Эриван Хауб АҚШ-та қайтыс болды.