Екі банк біріккен соң «Халық банк» деп аталады. «Қазком» банк ретінде жойылғанымен, сауда маркасы ретінде Халық банк иелігінде қала бермек. Бірігу аяқталған соң да кейбір бөлімшелердегі Қазком жазулары бірқатар уақыт сақталады. Бұл туралы кеше Алматыда өткен баспасөз мәслихатында Халық банктің басқарма төрағасы Үміт Шаяхметова айтты.

Айта кетейік, екі банктің бірігуі 2018 жылдың екінші жартысында аяқталмақ. Яғни, 2019 жылдан бастап Қазкоммерцбанк, Қазком, Qazcom, Kazkom банкі болмайды.