АҚШ пен Европада киіз үйлер жалға беріле бастады. Қазіргі кезде саяхаттаушыларға үйлерді жалға ұсынатын airbnb сайтында 6 киіз үйдің жалға берілетіні туралы хабарландыру бар. Ал, Houseboats сервисінде 5 хабарландыруды көруге болады. Олардың барлығында киіз үйлер Моңғолиялық ғажайып ретінде таныстырылған. airbnb сайтындағы 6 киіз үйдің 1 АҚШ-та, қалғаны Германия, Франция, Испанияда. Олар киіз үйді тәулігіне $33-дан $129-ға дейінгі аралықта ұсынады. Жалға берушілер киіз үйлерді жарнамалау кезінде «Шыңғыс ханның рухын сезінуге» және көшпенділердің тұрмыс-тіршілігімен танысуға шақырады. Киіз үйлер заманауи қажеттіліктермен: ауа баптағыш, телевизор, Wi-Fi, кір жуғыш машина, жабдықталған. Испанияда киіз үйді жалға берушілердің бірі Маринаның айтуынша оның киіз үйін еуропалықтар қатты ұнатады екен. «Ай сайын 3 мыңға жуық адам хабарландыруымды оқиды. 2011 жылы интернетке хабарландыру бергеннен бастап жүзден астам адам киіз үйді жалға алды» дейді ол. forbes.kz