2015 жылдың маусым айында басталған «Ғаламтор Сіз үшін/Internet4U» жобасының пилоттық кезеңі аяқталды. Бүгінге дейін жоба 400 адамды қамтыған. Жоба MediaNet Халықаралық Журналистика орталығы «Шеврон», Beeline, «Интернет дома», Goethe Institut, Lamoda, Microsoft компанияларының қолдауымен жүзеге асырылып отыр.

Жоба аясында компьютерлік және интернет сауаттылықты арттыру мақсатында тегін оқу курстары ашылған еді. Халықтың әлеуметтік әлсіз топтарының өкілдері арасында ақпараттық теңсіздікті жоюға бағытталған жоба Германия оқыту әдістемесі негізінде жасалды. Жобаның басты ерекшелігі –Қазақстан жастарын волонтер-тренер ретінде жұмылдыру арқылы ұрпақ байланысын нығайту.

Бүгінге дейін жоба 400 адамды қамтыды. Мемлекеттік тілде оқыған және қазір оқып жатқан қатысушылар саны – 214, ал орыс тілінде 205 адам. Курсқа қатысушылардың орташа жасы – 49.

Жобаға волонтер-тренер ретінде 70 адам тіркелген. Қазір олардың жартысы, яғни 35 адам, жобаға белсенді қатысып, 20 адам қазақ тілінде, 15 адам орыс тілінде сабақ өткізіп жүр. Олардың басым бөлігі – студенттер.Еріктілердің орташа жасы – 21.

Қатысушылар Skype, интернет-браузерлер, Windows ОЖ, Word, Power Point секілді негізгі бағдарламаларды үйренеді. Курс екі деңгей (алғашқы топ және жалғастырушы деңгей) бойынша 22 тақырыптан құралған. Жоба ұйымдастырушылары оқу бағдарламасын қатысушылардың тілегі мен қажеттілігіне сүйене отырып дайындайды.

Курсқа қатысамын деушілер мына жерден онлайн тіркеле алады.