Алматы облысы. 6 қыркүйек. 7kun.kz – Еңбекшіқазақ ауданы Шелек ауылында ер адам бұрынғы әйеліне пышақпен шабуыл жасады. Күдікті қамауға алынды, деп хабарлайды 7kun.kz.

Әлеуметтік желіде жәбірленушінің қатысуымен видео жарияланды.

Онда 36 жастағы әйел көмек сұрап, басынан өткен оқиғаны айтып берді. Оның айтуынша, оның үш қызы бар, ол 2022 жылдың мамыр айында күйеуі ішімдік ішіп, төбелесіп, қорқыта бастаған соң ажырасып кеткен.

«Ол маған тағы да шабуыл жасап, тұншықтырып өлтірмек болды, содан кейін мен полицияға арыз жаздым, ол тіркеуде тұрған және оған маған жақындауға тыйым салынған. 3 қыркүйекте анам екеуміз тұратын үйге келдік. Сол кезде ол жүгіріп кіріп, пышақпен маған шабуыл жасады. Ол мені анамның көзінше кескілеп тастады, анам оны ұстауға тырысты. Ол маған 22 пышақ жарақатын салды», – деді жәбірленуші.

Аталған дерек Еңбекшіқазақ ауданы ПБ СДТБТ-де ҚР ҚК 24-бабының 3-бөлігі 99-бабының 1-бөлігі (Адам өлтіруге оқталу) бойынша тіркелді.

Қазір полицейлер қажетті тергеу әрекеттері жүргізуде. Қылмыстық істі тергеу барысы департамент басшылығының бақылауында.