Астана. 27 қазан. 7kun.kz – Бас прокурордың орынбасары Әсет Шындалиев Chocofamily негізін қалаушы Рамиль Мухоряповтың мәлімдемесіне қатысты тиісті тексеріс жүргізіліп жастқанын айтты, деп хабарлайды 7kun.kz.

«Менің білуімше, Алматы қалалық полиция департаменті тексеру жүргізіп жатыр. Сараптама тағайындалды. Оның қорытындысы бойынша шешім қабылданады», – деді ол.

Еске салайық, кәсіпкер Рамиль Мухоряпов әлеуметтік желілерде тараған видеода қазақ тілі туралы жағымсыз пікір айтып, елдің ашу-ызасына тиген еді. Мәжілістегі «Жаңа Қазақстан» депутаттық тобы оны жазалауды талап етіп, Мухоряповтың үстінен шағым түсірген болатын.