Алматылық полиция арнайы операция кезінде Республика және Астана алаңдарының маңынан жарылғыш заттары бар бөтелке, бірнеше арматура кесіндісі, бензин құйылған канистр сияқты бірнеше затты тапты, деп хабарлайды Today.kz ІІБ сілтеме жасап. «Алмалы және Медеу аудандарындағы екі пәтерден бірнеше атыс қаруы, соның ішінде Макаров, ТТ пистолеттері, шолақ мылтық пен бірнеше оқ, төрт РГД-5 гранатасы мен бес миллион теңге табылды. Бұл іс бойынша күдікті бес адам ішкі істер органдарына жеткізілді» делінген полиция хабарламасында. Хабарламада тергеу жұмыстары жүргізіліп, аталған іске қатысы бар күдіктілер іздестірілуде екендігі айтылған. Бұған дейін Республика алаңының жабық тұрғандығын, ол жерде бірнеше жарылғыш зат пен темір кесінділері табылғанын хабарлаған едік.