
Алматы. 12 мамыр. 7kun.kz – Алматыда жаңа екі метро бекеті мамырда емес, маусым айында ашылады. Бұл туралы Алматы қаласының әкімі Ерболат Досаев айтты, деп хабарлайды 7kun.kz.
«Жаңа метро бекеттерін маусым айында іске қосамыз. 2 метро станциясы: Әуезов ауданында орналасқан «Сары-Арқа» және «Момышұлы» бекеттері. Бұл метрополитеннің тәуліктік жолаушылар ағынын 40 мыңнан 86 мыңға дейін арттырады», – деді Алматы әкімі Ерболат Досаев Әуезов ауданы тұрғындарымен кездесуінде.