Алматы тұтынушыларын жылу және ыстық сумен қамтамасыз ететін 17 км магистралды және бөлу құбырлары күздің басына қарай толығымен қайта құрылатын болады, деп хабарлайдыBNews.kz. Бұл туралы әкімдіктегі отырыста 2015-2016 жж. жылу маусымына даярлық жөніндегі штаб мәлімдеді. Күзгі-қысқы кезең алдындағы қала нысандарының жағдайы үшін жауапты энергокәсіпорындар басшыларының мәліметінше, қазіргі таңда барлық бағыттар бойынша дайындық жұмыстары толығымен жүріп жатыр. Бүгінгі күні жылу көздері (қазандықтар) 40%-ға, инженерлік желілер 45%-ға, тұрғын үйлер 33%-ға, білім беру нысандары 54%-ға, денсаулық сақтау нысандары 61%-ға пайдалануға дайын. Бұнымен қатар тағы екі айға жалғасатын дайындық науқаны барысында ЖЭС қуат көздеріндегі қазандық агрегаттарының 71 энергоблогы мен 72 қазандықты жөндеу жоспарланып отыр.

---