Нұр-Сұлтан. 2 маусым. 7kun.kz – Әлемдегі ең үлкен өсімдік теңіз түбінде жүзіп жүрген балдырлар, деп жазды «Хабар24».

Мамандар бұл өсімдікті әлемдік мұра саналатын табиғи қорық Шарк-Бей шығанағынан тапқан. Осы уақытқа дейін ғалымдар аталған балдыр тобы өсімдіктердің мыңдаған түрінің жиынтығы деп есептеп келген. 

Алайда қазір австралиялық мамандар оның шын мәнінде генетикалық тұрғыдан бір өсімдік екенін нақты дәлелдермен алға тартып жатыр. Шалғын 180 шаршы шақырым жерді алып жатыр. Ғалымдардың айтуынша, бұрын оның ауданы бұдан да үлкен болған. Дауыл мен теңіз толқыны кесірінен уақыт өте келе балдырлардың аумағы кішірейіп қалған.