Инвестициялық дауларды реттеу жөніндегі халықаралық орталықтың төрелік трибуналы шешіміне сәйкес, американдық Big Sky Energy Corporation (Big Sky) компаниясы "Кожан" мұнай компаниясына қатысу туралы іс бойынша Қазақстанға шамамен $575 мың төлеуі тиіс. Бұл туралы ҚР Әділет министрлігінің баспасөз қызметі хабарлады.

«Инвестициялық дауларды реттеу жөніндегі халықаралық орталықтың трибуналы Big Sky мұнай компаниясының Қазақстан Республикасына қарсы барлық талап-арыз талаптары бойынша бас тартып, қорғауға жұмсалған төрелік шығындар үшін Қазақстан Республикасына шамамен 575 мың АҚШ доллары көлемінде өтемақы төлеу туралы шешім шығарды», – делінген министрлік хабарламасында.

Сот ісін америкалық тарап 2017 жылдың шілдесінде бастаған. Олардың талаптары Қазақстанның мемлекеттік органдарының «ҚоЖан» ЖШС-нің үлесін иеліктен шығаруға әкеп соқтырған заңсыз әрекеттеріне қатысты болды. Төрелік процесс барысында Big Sky компаниясы мемлекетпен байланысы жоқ үшінші тұлғалармен жеке келісімшарттарды орындауға байланысты 460,1 млн, АҚШ доллары сомасында елеулі залалды Қазақстаннан өндіріп алуға тырысты.

Министрлік хабарлауынша, апелляцияның мерзімі 24 жылдың 2022 наурызында аяқталғанын және Big Sky осы шешімнің күшін жою туралы өтініш білдірмегенін ескере отырып, төрелік енді аяқталды деп саналады.

«ҚоЖан» Атырау облысындағы мұнай кен орындарында жер қойнауын пайдалану құқығына ие. ЖШС 2014 жылы АҚ болып қайта құрылды.

Негізгі алаңында «ҚоЖан» АҚ бағалы қағаздары сатылатын Қазақстан қор биржасының (KASE) мәліметінше, компания 100% «Матен Петролеум» АҚ-на тиесілі. 2021 жылғы 1 қазандағы жағдай бойынша оның жарғылық капиталы 10,75 млрд теңгені, жиынтық активтері – 192,07 млрд теңгені құрады.

Айта кетейік, қазақстандық БАҚ бұған дейін Big Sky Қазақстандағы «ҚоЖан» ЖШС мен «Вектор Энерджи Вест» ЖШС-нің мұнай-газ активтеріне иелік ететінін жазған. 2005 жылы елдің Энергетика министрлігі күрделі шығындар бойынша ең төменгі жұмыс бағдарламаларын орындамағаны үшін бұл компанияларға жасалған келісімшарттарды тоқтатты.