Алматы. 9 қазан. 7kun.kz - Анатолий Шкарупа 1975 жылы Алматы облысында дүниеге келген. 1998 жылы Алматы энергетика және байланыс институтын "отын-энергетика кешені саласындағы экономика және менеджмент, инженер-экономист" мамандығы бойынша, 2016 жылы ҚазГЗУ университетін "Құқық"мамандығы бойынша бітірген. Еңбек жолын 1998 жылы "KEGOC" ААҚ-да жетекші маман болып бастаған, онда 2005 жылға дейін бөлім бастығы, жоспарлау және экономикалық талдау департаменті директорының орынбасары қызметтерін атқарды. 2005-2013 жылдары ҚР Табиғи монополияларды реттеу агенттігінің құрылымында жұмыс істеді. Электр және Жылу энергетикасы саласындағы реттеу департаментінің директоры, Агенттік төрағасының орынбасары қызметтерін атқарды. 2013-2014 жылдары - "ТКШ жаңғырту мен дамытудың қазақстандық орталығы"АҚ Басқарма төрағасы. 2015-2017 жылдары Қарағанды облысы Саран қаласының әкімі. 2017 жылдың мамыр айынан осы уақытқа дейін Қарағанды облысы әкімінің орынбасары қызметін атқарды.