Компанияның Сан-Францискода өткен тұсаукесері инвесторлардың қызығушылығын туындата алмады. Бастапқыда Apple-дың акциялары өскенмен, таныстырылым аяқталған соң 110,15 долларға құлдилады.
«Келген инвесторлар Apple-дың ұсынған өнімін ұнатқан жоқ. Себебі жоғарғы сапаны күткен едік. Алайда үмітімізді ақтай алмады», — дейді Firsthand Technology Opportunities Fund-тың инвестициялық менеджері Кевин Лэндис.
Cоңғы үш жылда Apple-дың акциясы орта есеппен тұсаукесер кезінде 0,4%-ға кеміген. Сараптаманы BTIG компаниясы ұсынды. Нью-Йорк биржасында Apple-ден басқа компаниялардың акциялары да төмендеген. Microsoft құнды қағаздары 1,87%-ға (43,07 $), General Electric 1,64%-ға (24,55$), Google 0,07%-ға (643,41$) түсті. Нәтижесінде, Dow Jones индексінің сатылымы 1,45%-ға, S&P 500 индексі 1,39%-ға тұрақтады.
Еске салайық, сәрсенбі күні Apple өзінің iPhone 6s, iPhone 6s Plus, «үлкен» iPad Pro және жағаланған Apple TV өнімдерін ұсынған еді.
