Алматы. 29 желтоқсан. 7kun.kz – Apple компаниясы иілетін смартфон моделін патенттеді, - деп хабарлайды rambler.ru.

Иілетін гаджеттердегі негізгі мәселе - төзімді әрі шыдамды экран құрастыру.

iPhone телефондарының жаңа моделінде OLED-дисплейлерін қолдану жоспарланған. 91mobiles порталының мәліметінше, Apple арнайы полимерлі жабынды ойлап тапқан, соның арқасында дисплей иілгіш әрі төзімді болып, жарылып кетуден және басқа да зақым келуден сақтайды.

Мамандар иілгіш дисплей инновациялық құрылғы болып саналады, алайда мұндай смартфондардың пайдалы екенін әлі дәлелдеу қажет екенін айтады.