Алматы. 1 наурыз. 7kun.kz – Қазақстанда 2019 жылдың ақпан айында күнкөрістің ең төменгі деңгейі 0,7%-ға (196 теңге) артып, 27,1 мың теңгені құрады.

Жыл басынан бері бұл көрсеткіш 2,5%-ға өсті.

Айта кетейік, азық – түлік өнімдеріне 14,9 мың теңге, ал азық-түлік емес тауарлар мен ақылы қызметтерге 12,2 мың теңгеден аса қаржы бөлінген.

Ең жоғары күнкөріс деңгейі Маңғыстау облысында (33,4 мың теңге), Астанада (30,7 мың теңге) және Алматыда (30,2 мың теңге) тіркелді. Ал ең төмен күнкөріс деңгейі Жамбыл облысында (24,4 мың теңге) және Павлодар облысында (23,9 мың теңге) байқалды.