АҚШ. 7 қараша. 7kun.kz – Қазақстандық боксшы Айдос Ербосынұлы (16-1, 11 КО) кубалық Дэвид Моррельмен (7- 0,6 КО) жекпе-жек өткізіп, ауыр нокаутқа түскеннен кейін комада жатыр, деп хабарлайды 7kun.kz.

«Ербосынұлы комада жатыр», – деді бокс ардагері Дэн Рафаэль.

Супер орта салмақтағы WBA тұжырымдамасы бойынша әлем чемпионы атағы сарапқа салынған  жекпе-жек 5 қараша күні Minneapolis Armory-да өтті. Жекпе-жек 12 раундқа созылып, соңғы 30 секундта аяқталды. Бұрын жеңіліп көрмеген қазақстандық кубалықтың оң қолымен жасаған соққысын өткізіп алып, нокаутқа түсті.

Аренадан боксшыны зембілмен алып кетті. Ауруханада оның миына қан құйылып кеткені анықталды. Боксшы комаға түсті, жағдайы ауыр.