Қарағанды. 22 шілде. 7kun.kz - Қарағанды жер қатынастары басшысы Сабыржан Дәуітбергенов пара алғаны үшін ұсталды. Бұл туралы tengrinews.kz хабарлады.

Оны Қарағанды облыстық Сыбайлас жемқорлыққа қарсы күрес департаментінің жедел-тергеу тобының қызметкерлері жұмыс орнында ұстады.

"Сабыржан Дәуітбергеновке ҚР Қылмыстық кодексінің 366-бабы ("Пара алу") бойынша айып тағылды. Тергеу аяқталғанға дейін сот оны екі ай мерзімге қамауға алуға үкім шығарды", - деді облыстық сот баспасөз қызметінің өкілдері.

Әзірге осы оқиғаның нақты мән-жайы анықталып жатыр.