Әлемдік қаржы нарығындағы «Бұлтты банкинг» деп аталатын жаңа жүйе Қазақстанда енгізілуі мүмкін. Ол банк қызметін жетілдіреді. Украинадағы PrivatBank-тің креативті директоры Егор Аветисов "Техно Коннект Астана" конференциясында осылай мәлімдеді, деп хабарлайды 24.kz.

Бұл – халықаралық қаржылық институттардың бүгінгі таңда қолданып отырған тиімді құралы. «Бұлтты банкингтің» басты артықшылығы банк серверіндегі барлық ақпаратты өзінде сақтайды. Нәтижесінде қаржылық ұйымның техникалық жүйесі шамадан тыс жүктемелер мен мәліметтерді өз серверінде сақтауға кететін шығыннан арылады. Е. Аветисовтың айтуынша, дамушы елдер қатарындағы Қазақстанға бұл жүйені ендіру артықшылық етпейді. "Жақын арада Қазақстандағы банктер «Бұлтты банкинг» технологиясын қолданатынына сенемін. Өйткені олардың қазіргі дамуы қарқынды. Бұл жүйе өз жемісін береді. Ол әлем бойынша дәлелденген", - деді ол. Фото: opawodyq.pev.pl