Асқар Мырзахметов ҚР ауыл шаруашылығы министрі болып тағайындалды. Бұл туралы Ақордадан мәлімдейді. Бұған дейін Асылжан Мамытбеков отставкаға кеткені хабарланған еді.

Асқар Мырзахметов қызметтік жолын  БААШҒЗЗ Шығыс бөлімшесі жүйесінде кіші ғылыми қызметкер болудан бастады. 1991 жылдан - «Қазақстан» республикалық биржасы» АҚ вице-президенті 1994 жылдан - «ТАСМО» инвестициялық коммерциялық орталығының бас директоры. 1995 жылдан - «Агро-Лизинг» АҚ бас директоры. 1999 жылдан - ҚР ауыл шаруашылық вице-министрі. 2002 жылдан - ҚР ауыл шаруашылық бірінші вице-министрі - ҚР Ауып шаруашылық министрлігі Орман және аңшылық шаруашылық комитетінің төрағасы. 2005 жылдан - ҚР ауыл шаруашылық министрі. 2006 жылдан - Өзбекстан Республикасындағы ҚР Төтенше және Өкілетті Елшісі. 2007 жылдан - «Оңтүстік» ӘКК» ҰК» АҚ басқармасының төрағасы. 2009 жылдан бері - Оңтүстік Қазақстан облысының әкімі. 2015 жылғы 8 тамыздан - "Нұр Отан" партиясы төрағасының бірінші орынбасары. Орта Азия және Қазақстанның Биржалар қауымдастығына, Қазақстан Кәсіпкерлер форумының кеңесіне басшылық еткен, ҚР Премьер-министрінің штаттан тыс кеңесшісі болған.