Астана. 30 маусым. 7kun.kz - 2 шілдеден бастап Астана-Дели-Астана бағытында аптасына 3 рет Airbus A320 және Embraer 190 әуе кемелері ұша бастайды. Бұл туралы компанияның баспасөз қызметі хабарлады.
Рейстер төмендегі кесте бойынша орындалады (жергілікті уақыт):
| Апта Күндері | Бағыт және рейс № | Ұшу уақыты | Келу уақыты |
| Дс, Бс | Астана-Дели КС241 Дели-Астана КС242 | 07:20 12:00 | 10:55 17:00 |
| Жс | Астана-Дели КС249 Дели-Астана КС250 | 20:35 01:10+ | 00:10+ 06:10 |
Астанадан Делиге ұшу ұзақтығы 4 сағат 5 минут, ал Делиден Астанаға 4,5 сағат.
Дели жолаушылары Мәскеуге, Санкт-Петербургке, Стамбулға және басқа да қалаларға Астанада арқылы ыңғайлы жол жүре алады.
Астана-Дели бағытындағы экононом кластағы әуе билетінің ең төменгі құны (барлық салықтарды қоса алғанда) 89 883 теңгені құрайды.
Айта кетейік, Алматы мен Дели арасындағы әуеқатынас 2004 жылдың 4 қыркүйегінде орнатылды. Осы уақыт ішінде 470 мыңнан астам жолаушы, 5 мың тонна жүк пен 4 тонна пошта тасымалданды.
Алматы-Дели-Алматы бағыты бойынша 2017 жылдың алғашқы 5 айы ішінде 33 343 жолаушы тасымалданды, бұл өткен жылдың осы кезеңімен салыстырғанда 36% -ға жоғары.
2017 жылдың 5 шілдесінен бастап Астана-Дели-Астана бағыты бойынша барлық рейстер Нұрсұлтан Назарбаев халықаралық әуежайының жаңа терминалы арқылы қабылданып жіберіледі.
Билеттерді сату кеңселері мен airastana.com сайтынан сатып алуға болады.
Похожие материалы
